Category Archives: Dipartiment tal-Malti

Il-Ftira Maltija

Lezzjoni dwar il-ftira Maltija

Nhar il-Ġimgħa 17 ta’ Novembru 2017, fil-lezzjoni tal-Malti l-istudenti tal-klassi 1 Ruby (CCP) għamlu lezzjoni dwar il-ftira Maltija. L-istudenti marru huma stess jixtru l-ftira minn forn viċin l-iskola. Hawnhekk kellhom l-opportunità li jitgħallmu kif issir il-ftira kif ukoll dwar il-forn u x-xogħol tal-furnar. Wara marru fil-klassi fejn ħawru l-ftira b’ingredjenti Maltin bħal kappar, żebbuġ, tonn taż-żejt, tadam u kunserva u fl-aħħar ftit bżar u melħ.

Personaġġi

Il-Kultura Maltija

Ortografija

L-imħabba lejn l-annimali

L-imħabba li persuna tirċievi mingħand l-annimali hi ċertament imħabba ġenwina, għax l-annimal jifhem is-sentimenti tal-bniedem xi kultant iktar mill-bniedem innifsu. Tispirani l-kapaċita` li jirritornaw l-imħabba lura u l-fatt li jindunaw li jkollok xi ħaġa li tiskomodak. L-imħabba lejn l-annimali minn dejjem kienet fija b’mod partikolari lejn il-qtates. Inħoss li l-annimali bħal kull ħaġ`oħra ħajja għandhom dritt li jgħixu kuntenti. Meta nara animal fil-bżonn inħoss il-ħtieġa li ngħinu mhux għas-sodisfazzjon imma għal vera imħabba li għandi għalihom. Ngħinhom kif nista’ forsi b’affarijiet żgħar eżempju li nitmagħhom. Aspirazzjoni li ilha tberren ġo moħħi hi li la nikber niftaħ xelter għall-klieb u l-qtates.Ikolli ngħid li rbatt qalbi mal-qtates tal-iskola u nametti li meta niġi biex nitlaq mill-iskola, in-nuqqas tagħhom ser inħossu żgur.

Xogħol ta’ Martina Caruana tal-klassi 3 Diamond

Xogħol tal-istudenti tad-9 sena

Fis-silta “Ir-Raġel tal-Klieb” ta’ Oliver Friggieri, niltaqgħu ma’ raġel li kien iħossu aktar komdu jikkomunika mal-klieb milli ma’ martu. L-istudenti Maria Magro Conti, Halle Camilleri, Kay Mifsud u Melissa Mercieca mill-klassi 9 Coral, għamlu din il-preżentazzjoni fil-klassi b’rabta man-novella.

Our School just awarded the Frans Sammut Award

We are pleased to announce that on the evening of Friday 12th May, during the Frans Sammut Award ceremony, our Żejtun school won First prize in the Schools Category. The school was awarded with a trophy and a monetary prize.

Our school placed first out of 13 participating schools. This success is thanks to the Maltese Department team, lead by Dr Kenneth Grima, which worked hard all year long by exhibiting work to promote the language around the school. Also thanks go to the Head of School Mrs Spiteri Meilak, who helped in the production of the presentation below, displaying evidence of the work done.

L-iSkola tagħna tingħata l-Premju Frans Sammut

Bi pjaċir kbir inħabbru li nhar il-Ġimgħa 12 ta’ Mejju filghaxija, waqt il-Premjazzjoni tal-Premju Frans Sammut, l-iskola tagħna taż-Żejtun rebħet l-Ewwel Premju fil-Kategorija tal-Iskejjel. Għal dan is-suċċess tat-tim tal-Malti, ingħata trofew u premju monetarju lill-iskola.

L-iskola tagħna ġiet imsejjħa fl-ewwel post minn fost 13-il skola oħra li ħadu sehem. Kien mument ta’ suċċess għat-tim tal-Malti immexxi minn Dr Kenneth Grima, tim li ħadem matul diversi xhur sabiex ittella’ xogħol bil-Malti madwar l-iskola kollha. Grazzi tmur ukoll lill-Kap tal-Iskola, s-Sinjura Spiteri Meilak li għenet fil-produzzjoni tal-preżentazzjoni t’hawn taħt li tixhed ix-xogħol li sar.

Ortografija

Ortografija

Personaġġ

Spellitona 2017

Personaġġ

Ortografija

Xogħol tal-idejn għal żmien l-Għid waqt lezzjoni tal-Malti

Girlanda tal-Għid

Għandek bżonn:

• Imqass
• Kolla bajda
• Żewġ wrapping papers differenti
• Kartonċina bajda / kartuna rqiqa tal-kaxxa taċ-ċereali
• Żigarella kkulurita
• Forma ta’ bajda tal-kartun
• Santa ta’ Kristu Rxoxt
1. Pinġi 8 forom ta’ bajda fuq il-kartonċina.
2. Qasqashom u waħħal fuqhom il-wrapping papers ikkuluriti.
3. Erġa’ qasqas u waħħalhom ħdejn xulxin forma ta’ ċirku. Kull ċirku jrid ikun imrikkeb ftit fuq ta’ ħdejh.

Studenti tal-klassijiet tal-Form 1 u 2 għamlu dan ix-xogħol tal-idejn.

Żjara sal-forn Ta’ Pataw

Nhar it-Tlieta 4 t’April l-istudenti tal-form 1 flimkien mal-għalliema tagħhom Ms.Massabielle Zammit, kellhom l-opportunita’ li jżuru forn magħruf bħala Ta’ Pataw fiż-Żejtun u jitgħallmu dwar kif issir il-ħobża tradizzjonali Maltija, bħala parti mil-lezzjonijiet tal-Proġett tat-Tradizzjonijiet Maltin.

Żjara lis-Sede tal-Għaqda Mużikali Beland

Nhar it-Tlieta 11 t’April 2017 l-istudenti tal-klassi 2 Coral flimkien mal-għalliema tagħhom Ms.Massabielle Zammit kellhom attivita’ mhux tas-soltu. Il-lezzjoni saret ġewwa s-Sede tal-Għaqda Mużikali Beland fejn l-istudenti tgħallmu dwar l-attivitajiet li ttella’ din is-Soċjeta’ fi żmien il-Ġimgħa Mqaddsa kif ukoll kellhom l-opportunita’ li jitgħallmu dwar l-arti tas-smid taħt id-direzzjoni tas-Sur Joseph Baldacchino u s-Sur Renato Spiteri.

Kelma

Reċensjoni

Reċensjoni tal-ktieb “Toni Bajjada” ta’ Ġuże’ Muscat Azzopardi

Ġuże’ Muscat Azzopardi twieled Ħal Qormi fl-1853. Huwa magħruf l-iżjed għar-rumanzi storiċi li kiteb fosthom Viku Mason, Ċejlu Tonna, Susanna u Nazju Ellul.
Toni Bajjada hu rumanz antik Malti li Ġuże’ Muscat Azzopardi kiteb fl-1878. Rumanz bi ġrajja li sseħħ f’Malta ta’ żmien l-Assedju l-Kbir tal-1565. Dan Toni Bajjada kien ġuvni min-Naxxar mibrum b’saffejn. Twil u fuq tiegħu, ħafif daqs it-tajr, bniedem li meta jdaħħal ħaġa f’rasu ħadd ma jdawru iżjed. Wiċċu samrani, ħuġbejh mimlija, xagħru iswed tuta, għajnejh donnhom jitkellmu. Demmu kien tħossu jiġbdek, qalbu f’idejh, ħelu ma’ kulħadd; il-kelma qerq lanqas kien jaf biha. Permezz ta’ dan l-eroj Malti Azzopardi ried inissel fiduċja fil-Maltin u mħabba lejn pajjiżhom. Pajjiż li kien għadu maħkum mill-barrani u jittama li xi darba għad jikseb rajh f’idejh.

Ortografija